Devara Konda Veeraiah . . Koothuri Kosam . .
24-Aug-2008
సమాజంలో జరుగుతున్న ఇతివృత్తాలనూ, విప్లవ చిత్రాలనూ తనదైన తరహాలో తెరకెక్కించే ఆర్.నారాయణమూర్తి దేవరకొండ వీరయ్య . . కూతురి కోసం . . అనే మరొక ఇష్యూ బేస్డ్ చిత్రాన్ని ప్రేక్షకులకు అందించనున్నారు. స్నేహ చిత్ర పిక్చర్స్ పతాకం పై రూపొందుతున్న ఈ చిత్రం గురించి మాట్లాడుతూ "ఈ రోజు చదువుకోసమని తల్లిదండ్రులను విడిచి ఉజ్వల భవిష్యత్ కోసం కలలు కనే అమ్మాయలను నన్ను ప్రేమిస్తావా, పెళ్ళిచేసుకొంటావా, లేకపోతే చంపేస్తాను అంటూ వెంటపడే కొందరు దుర్మార్గుల వల్ల పడుతున్న బాధలు, మరి అలాంటప్పుడు ఆ పిల్లల తండ్రులు ఏంచేయాలి అన్న విషయాన్ని ఈ చిత్రం లో చూపిస్తున్నాం. నా ఎర్ర సముద్రం లో ఒక చిన్న పాత్ర చేసిన ప్రియాంక ఈ చిత్రం లో హీరోయిన్ గా చేసింది, ప్రస్తుతం షూటింగ్ పార్ట్ ముగ్ంచి పోస్ట్ ప్రొడక్షన్ పనులు మొదలు పెట్టాము" అని తెలిపారు. పలుచిత్రాలకు డబ్బింగ్ ఆర్టిస్ట్ గా పని చేసిన గోగినేని ప్రసాద రావు ఈ చిత్రం ద్వారా ప్రతినాయకుడి పాత్రలో కనిపించనున్నారు. ప్రజాకవులు గోరటివెంకన్న, సుద్దాల అశోక్ తేజ, అందెశ్రీ లు అందించిన అద్భుతమైన సాహిత్యానికి వందేమాతరం శ్రీనివాస్ అంతే చక్కని సంగీతాన్ని అందించారని కూడా నారాయణ మూర్తి తెలిపారు.
|
