Devisri is Charmi's hero in reel life
29-Sep-2008
ఈ మద్య కాలం లో "హీరో" యిన్ అయిపోయిన ఛార్మీ ముఖ్య పాత్రగా మరొక చిత్రం రూపొందనుంది. పవన్ అనే నూతన దర్శకుని దర్శకత్వం లో ఇదివరకు యమగోల మళ్ళీ మొదలయ్యింది చిత్రాన్ని నిర్మించిన నిర్మాతల్లో ఒకరైన రాజశేఖర్ ఈ చిత్రాన్ని నిర్మించనున్నారు. ఈ చిత్రానికి దేవీశ్రీ ప్రసాద్ సంగీతం అందించడం ఒక విశేషం అయితే, బయట వినవస్తున్న వార్తల ప్రకారం ఈ చిత్రం లో మేల్ లీడ్ గా కూడా తనే చేసే అవకాశం వుంది. చాలా కాలం గా ఛార్మి, దేవిశ్రీ ప్రసాద్ ల మద్య ఎఫైర్ వుంది అన్న వార్తలు విస్తృతం గా విహరించిన సంగతి తెలిసిందే. ఇప్పుడు దేవీ యే ఈ సినిమాలో హీరో అయితే మళ్ళీ ఈ వార్తలకు ప్రాణం వచ్చినట్లే. నిజానికి దేవీ చాలాకాలంగా సినిమాల్లోనికి రానున్నాడని వార్తలు వినవచ్చాయి. అతను చేసే స్టేజ్ షోలు గానీ టి వి షోస్ గానీ ఆ వార్తలకు ఊతం ఇచ్చాయి. ఇప్పటికి దేవీ ఈ చిత్రం లో నటించడం అన్నది అధికారికం గా కన్ఫర్మ్ కానప్పటికీ, చేయడం అన్నది దాదాపు ఖాయమనే తెలుస్తుంది.
|
