Keka audio released
02-Oct-2008
చాలా కాలం తర్వాత దర్శకుడు తేజ సొంత బ్యానర్ చిత్రం మూవీస్ పై వస్తున్న చిత్రం కేక. చక్రి సంగీత సారధ్యం లో తయారైన ఈ చిత్రం ఆడియో ఈ రోజు సాయంత్రం హైదరాబాద్ లో గల తాజ్ దక్కన్ హోటల్ లో జరిగింది. ముఖ్య అతిధులు గా మంత్రి దామోదర్ రెడ్డి, తమ్మారెడ్డి భరద్వాజ, సురేష్ బాబు, దిల్ రాజు, నల్లమలుపు బుజ్జి, జెమిని కిరణ్ లు పాల్గొనగా ఈ చిత్ర సంగీత దర్శకుడు చక్రి, గేయ రచయిత చంద్రబోస్, సింగర్ హేమ చంద్ర తదితర యూనిట్ సభ్యులు కూడా హాజరయ్యారు. ఈ సందర్భంగా దర్శకుడు తేజ మాట్లాడుతూ " చిత్రం మూవీస్ లో సినిమా చేసి, అసలు ఇలా ఆడియో ఫంక్షన్ చేసి చాలా కాలం అయ్యింది. ఈ చిత్రానికి గాను నేను మొట్టమొదటి సారిగా చక్రి తో కలిసి పని చేసాను. మొత్తం ఆరు పాటలున్నాయి. తొలిసారిగా నాకు అన్ని పాటలూ నచ్చిన ఆల్బం ఇదే అని చెప్పాలి. నా టార్చర్ భరించి ఇంత చక్కని ట్యూన్ లు ఇచ్చినందుకు చక్రి ని తప్పకుండా అభినందించాలి. అలాగే చంద్రబోస్ తో కూడా ఇదే మొదటి సారి. రెండుపాటలు మేము రాయమంటే ఇంకో పాట తనే రాస్తానని రాసాడు, ఆ పాట సినిమాకే హైలెట్ సాంగ్ అవుతుంది. ఇక కేక గురించి చెప్పాలంటే నేను మొట్టమొదటి సారిగా ఒక డిఫరెంట్ స్కీమ్ లో చేసిన చిత్రం ఇది. స్క్రీన్ ప్లే గానీ సీన్లు గానీ డెఫినెట్ గా కొత్తగా వుంటాయి. అన్నిటికన్నా ముఖ్యమైంది సినిమాటోగ్రఫీ, తెలుగులో ఇంతవరకూ ఏ సినిమాలోనూ లేనంత అద్బుతంగా ఇందులోని విజువల్స్ వుంటాయి. ఈ సినిమాలో స్ట్రీట్ చిల్డ్రన్, వారి జీవన పోరాటం, ఆకలి, ఛీటింగ్, ఫైట్స్, ఛేజ్ లు, ప్రేమ, ఎక్కువ ప్రేమ ఇలా అన్ని రకాల ఎమోషన్లు కలిసిపోయిన కధ ఇది. నేను సహజం గా కొంచం తిక్కలోడిని అని అందరికీ తెలిసిందే, కానీ ఈ సినిమా విషయం లో మాత్రం నేను చాలా కాన్ఫిడెంట్ గా వున్నాను. మంచి సినిమా తీసాను అని నేను అనుకొంటున్నాను. ఇక రిలీజ్ అయిన తర్వాత అది ప్రేక్షకులమీద ఆధారపడి వుంది" అని అన్నారు.
మంత్రి దామోదర్ రెడ్డి మాట్లాడుతూ తనకు పొలిటికల్ స్పీచ్ లు తప్పా ఇలా మాట్లాడడం రాదని, అయితే తనకూ ఒక థియేటర్ వుందనీ ప్రస్తుతం చింతకాయల రవి అందులో ఆడుతుందనీ, దాని వల్ల ఎగ్జిబిటర్లకు వుండే కష్టాలు తనకు తెలుస్తున్నాయనీ, ఇక మ్యూజిక్ ఎంతటి స్ట్రెస్ ని అయినా రిలీవ్ చేస్తుందని ఈ కేక లో అంత చక్కని మ్యూజిక్ వుంటుందని ఆశిస్తూ కేక టీమ్ కి తన శుభాబినందనలు తెల్పుతున్నాననీ అన్నారు. తమ్మారెడ్డి భరద్వాజ మాట్లాడుతూ తేజా తో పని చేయడం అంటే మామూలు విషయం కాదని అయినా చక్రి ఇంత చక్కని మ్యూజిక్ ఇచ్చినందుకు అబినందనీయుడనీ అన్నారు. సురేష్ బాబు, జెమిని కిరణ్, దిల్ రాజు లు ఈ చిత్రం విజయవంతం కావాలని కోరుకొన్నారు. చంద్రబోస్ ఈ చిత్రం లో తాను రచించిన లవ్ యూ ఐ లవ్ యూ అన్న పాటను పాడి వినిపించారు. అనంతరం తొలి కెసెట్ ను దామోదర్ రెడ్డి ఆవిష్కరించి సురేష్ బాబు కు అందజేయగా, తమ్మారెడ్డి సిడి ని ఆవిష్కరించి దిల్ రాజు కు అందజేసారు. ఈ చిత్రం ఆడియో ఆదిత్య మ్యూజిక్ ద్వారా విడుదల అయ్యింది.
Keka - Movie Stills, Baby in Keka - Exclusive,
|
|
