MVRaghu's Media Dreamz
18-Aug-2008
ప్రముఖ సినిమాటోగ్రాఫర్ శ్రీ ఎమ్.వి.రఘు గారు ప్రస్తుతం మల్టీమీడియాలో వున్న డిమాండ్ ను దృష్టిలో పెట్టుకొని హైదరాబాద్ లో మీడియా డ్రీమ్జ్ అనే ఒక సంస్థను నెలకొల్పారు. దీనిలో అన్ని రకాల విజువల్ ఎఫెక్ట్స్, పబ్లిసిటీ డిజైనింగ్, వెబ్ డిజైనింగ్, టివి మరియూ ఫిల్మ్ ఎడిటింగ్, మాయా తదితర అంశాలలో శిక్షణ తో పాటూ చక్కని ప్రాజెక్ట్ వర్క్ లు కూడా వుంటాయని శ్రీ రఘు తెలిపారు. నటుడు నాగెంద్రబాబు ఈ సంస్థ ను ప్రారంబించారు. ఈ కార్యక్రమానికి దర్శకురాలు బి.జయ కూడా హాజరయ్యారు. ఈ సందర్భంగా నాగేంద్ర బాబు మాట్లాడుతూ ఈ రోజుల్లో విజువల్ ఎఫెక్ట్స్ రంగం లో మంచి డిమాండ్ వుందనీ, ఎన్నెన్నో కొత్త చానల్స్ వస్తున్నాయని అందువల్ల ఇది కూడా ఒక మంచి కెరియర్ ఆప్షన్ గా మారిపోయిందని, ఇటువంటి సమయం లో రఘు లాంటి ఎఫీషియెంట్ కెమరామేన్ ఈ స్టూడియో ను ప్రారంబించడం చాలా ఆనందం గా వుందని అన్నారు. అనంతరం రఘు మాట్లాడుతూ ఈ సంస్థ ద్వారా శిక్షణ తో పాటు తాము తీయబోయే యానిమేషన్ చిత్రాల లో వారికి అవకాశాలు కూడా ఇస్తామని అన్నారు. దర్శకురాలు బి.జయ మాట్లాడుతూ ఈ మల్టీమీడియా రంగం ఒక మంచి కెరియర్ ఆప్షన్ అనీ డెఫినెట్ గా ఈ మీడియా డ్రీమ్జ్ అనతి కాలం లో పెద్ద పేరున్న సంస్థ గా ఎదుగుతుంది అని అన్నారు.
|
|
