Naa Girl Friend baga rich completes shooting
25-Aug-2008
కుమార్ బ్రదర్స్ నిర్మాతలు గా శివాజి, కావేరీ ఝా జంటగా బ్రమ్మానందం ఒక కీలకపాత్రలో కె.బి.సినిమా బ్యానర్ పై ఎమ్.నాగేంద్రకుమార్ దర్శకత్వం లో వస్తున్న చిత్రం నా గర్ల్ ఫ్రెండ్ బాగా రిచ్. ఈ చిత్రం గురించిన విశేషాలు చెబుతూ "ఇదొక వైవిద్యమైన కాన్సెప్ట్ తో అందరినీ ఆకట్టుకొంటుంది, బ్రమ్మానందం గారు ప్రతి ఫ్రేమ్ లోనూ నవ్వులు పండిస్తారు, ఈ చిత్రకధకు ఆయన పాత్రే చాలా కీలకమైంది. ఇటీవలి కాలం లో వచ్చిన రెడీ ఢీ చిత్రాలలోని పాత్రలకన్నా ఈ పాత్ర ప్రేక్షకులను మరింత ఆకట్టుకొంటుంది" అని దర్శకుడు నాగేంద్రకుమార్ అన్నారు. తన గర్ల్ ఫ్రెండ్ బాగా రిచ్ అమ్మాయి కావాలి అనుకొనే హీరోకి ఎటువంటి అమ్మాయి దొరికింది, ఆ రిచ్ నెస్ వల్ల అతను పడ్డ ఇబ్బందులేంటి అన్నదే ఈ చిత్రం అని నిర్మాతలు తెలిపారు. ప్రస్తుతం షూటింగ్ పార్ట్ ని పూర్తి చేసుకొన్న ఈ చిత్రం ఆడియో ను సెప్టెంబరు రెండవవారం లోనూ సినిమా అక్టోబర్ లోనూ రిలీజ్ కానున్నాయి. మంత్ర చిత్రానికి సంగీతం అందించిన ఆనంద్ ఈ చిత్రానికి కూడా సంగీతాన్ని అందిస్తున్నారు. ఆహుతి ప్రసాద్, తులసి, బబ్లూ, విజయ్ సాయి, రమాప్రభ, గుండుహనుమంతరావు లు ఇతర ప్రధాన పాత్రల్లో నటిస్తున్నారు.
|
